Take a fresh look at your lifestyle.

जेष्ठ अभिनेत्री सीमा देव याना ‘अल्झायमर’ या आजाराने ग्रासले ; पुत्र अजिंक्य देव यांनी दिली माहिती

हॅलो बॉलीवूड ऑनलाइन | मराठी आणि हिंदी चित्रपट सृष्टीतील जेष्ठ अभिनेत्री सीमा देव याना अल्झायमर या आजाराने ग्रासले आहे. त्यांचा मुलगा आणि मराठी अभिनेता अजिंक्य देव यांनी त्यांच्या ट्विटरवरून याबद्दल माहिती दिली. त्याचबरोबर सीमा देव यांच्या आरोग्याबद्दल त्यांच्या चाहत्यांनी प्रार्थना करावी अशीही भावनिक साद त्यांनी दिली. त्यांच्या या ट्विटवर अनेक चाहत्यांनी सीमा देव या लवकर बऱ्या व्हाव्यात अशा सदिच्छा दिल्या आहेत.

अजिंक्य देव म्हणाले की, “माझी आई श्रीमती सीमा देव मराठी फिल्मी इंडस्ट्रीतील जेष्ठ अभिनेत्री या अल्झायमरशी लढा देत आहेत. आम्ही संपूर्ण देव कुटुंबीय त्या या आजारातून लवकर बऱ्या व्हाव्या यासाठी प्रार्थना करत आहोत. त्यांच्यावर प्रेम करणाऱ्या संपूर्ण महाराष्ट्रानेही त्यांच्या आरोग्यासाठी प्रार्थना करावी.”

सीमा देव यांचा जन्म मुंबईतील गिरगाव येथे झाला आहे. 78 वर्षीय सीमा देव या मराठी आणि हिंदी चित्रपटसृष्टीतील जेष्ठ अभिनेत्री आहेत. त्यांनी आतापर्यंत 80 पेक्षा जास्त मराठी आणि हिंदी चित्रपटांत काम केलं आहे. आपल्या बहारदार अभिनयाने त्यांनी मराठी चित्रपट सृष्टीत एक वेगळाच ठसा उमटवला आहे.

ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला whatsapp करा आणि लिहा ‘Hello News’

Comments are closed.

%d bloggers like this: