हॅलो बॉलिवूड ऑनलाईन। टीआरपीच्या रेसमध्ये नेहमीच टॉप वर असणारी मालिका ‘आई कुठे काय करते’ सध्या अनोख्या वळणावर येऊन पोहोचली आहे. अलीकडेच या मालिकेत अरुंधतीच लग्न एकदम शुमधडाक्यात पार पडलं. देशमुखांनी आनंदाने अरुंधतीची आशुतोषच्या घरी पाठवणी केली. यावेळी सगळेच भावुक झाले होते.
अनेक वर्षांच्या सहवासानंतर अरुंधतीने शेवटी देशमुखांच्या घराचा निरोप घेतलाच. आता तीच एक नवीन विश्व आशुतोषसोबत ती तयार करते आहे. त्यांचा संसार आता हळूहळू फुलायला सुरुवात करतोय. तर दुसरीकडे अनिरुद्ध आणि संजना यांचे वाद वाढले आहेत. येत्या काळात त्यांचे वाद घटस्फोटापर्यंत जाणार असे दिसत आहे.
आता अरुंधती आणि आशुतोषच्या लग्नानंतर अनिरुद्ध आणि संजना यांचा संसार सुरळीत होईल असे चित्र अपेक्षित होते. पण झालं उलटंच. अरुंधती लग्न करून काय गेली अनिरुद्धचा पुरुषी अहंकार आणखीच दुखावला आहे.
त्यामुळे आता अनिरुद्ध आणि संजना यांच्यामध्ये एक नवा वाद सुरु झाला आहे. परिणामी एकीकडे अरुंधतीचा संसार नव्याने फुलणार तर, दुसरीकडे अरुंधतीला जाच करणाऱ्या अनिरुद्धचा संसार पूर्णपणे कोलमडणार आहे. मुख्य म्हणजे अनिरुद्ध आणि संजना यांच्यातील वादाचं कारणसुद्धा अरुंधतीचं लग्न हेच आहे.
अनिरुद्ध आणि संजना यांच्यात आशुतोष-अरुंधतीच्या लग्नावरून सुरु असलेले वाद प्रचंड विकोपाला जाताना दिसणार आहेत. अनिरुद्ध स्वतःची तुलना आशुतोषसोबत करू लागतो आणि यावेळी संजना म्हणते, ‘आशुतोष आणि तू या दोघांचा जवळपासही संबंध नाही’. हे ऐकून अनिरुद्धचा पारा जास्तच चढतो आणि मग काय दोघांमध्ये कडाक्याची भांडणं सुरू होतात.
याआधीदेखील या दोघांमध्ये वाद होते पण आताचे वाद टोकाला पोहोचणार आहेत. मुख्य म्हणजे संजना आणि अनिरुद्ध यांनी आधीच घटस्फोटासाठी अर्ज दाखल केला आहे. त्यामुळे मालिकेच्या येत्या भागांत अनिरुद्ध आणि संजना एकमेकांपासून वेगळे होऊन घटस्फोट घेताना दिसणार आहे.
Discussion about this post