हॅलो बॉलिवूड ऑनलाईन। बिग बॉस हिंदीचा १६ वा सीजन इतका कमाल आणि बहार सुरु आहे कि प्रेक्षकांनी दिलेलं प्रेम पाहून हा शो ४ आठवडे आणखी वाढवण्यात आला आहे. त्यामुळे आता घरातील स्पर्धकांमध्ये देखील हा शो जिंकण्याची नवी जिद्द निर्माण झाली आहे. आपण सारेच जाणतो ककी बिग बॉसच्या घराचे विशेष अधिकार हे कॅप्टनजवळ असतात. पण या सिजनमध्ये एकाचवेळी तीन कॅप्टन घर चालवताना दिसत आहेत. यामुळे टास्क पहायला आणखीच मजा येतेय. गेल्या आठवड्यात सौंदर्या, टीना आणि सुंबुल कॅप्टन झाले होते. यानंतर आता या आठवड्यात सौंदर्या, स्टॅन आणि श्रीजीता कॅप्टन झाले आहेत.
बिगबॉसच्या कॅप्टन्सीसोबत घराच्या काही जबाबदाऱ्या आणि अधिकार हाती येतात. आज घरात नॉमिनेशन टास्क होणार आहे आणि यामध्ये काही सदस्य घराबाहेर होण्याच्या प्रक्रियेसाठी घरातील इतर सदस्यांकडून नॉमिनेट केले जातील. यावेळी विशेष अधिकाराचा वापर करून स्टॅन टीना दत्ताला थेट नॉमिनेट करतो असे आपण प्रोमो व्हिडीओमध्ये पाहू शकता. यावरून स्टॅन आणि टीनामध्ये बाचाबाची सुरु होते. यात शालीन उडी घेतो आणि मग सुरु होतो राडा. टीना आली तेव्हा शालिनला बघून घेईन म्हणाली होती पण ती आत्ता बदलली आहे आणि म्हणूनच मी तिला नॉमिनेट करतो, असं स्टॅनने कारण दिले आहे.
यावेळी टीना स्टॅनसोबत हुज्जत घालू लागते आणि म्हणते, दागिन्यांच्या मागे मुखवटा घातलेला आहेस. हे ऐकून स्टॅन म्हणतो, ‘दागिन्यांवर जाऊ नको, यात तुझं अख्ख घर जाईल..’ यावर शालीन स्टॅनला शहाणपणा करू नको म्हणतो आणि इथून त्यांची बाचाबाची सुरु होते. दरम्यान शालीन स्टॅनला वडिलांवरून काही बोलून जातो आणि हे ऐकून स्टॅनचा पारा चढतो. स्टॅन शालीनवर धावून जातो. हा वाद मिटवण्यासाठी घरातील सगळे सदस्य मध्ये पडतात. दरम्यान शालीन म्हणतो, मी तुझ्याशी बोलतही नव्हतो. तर स्टॅन पुन्हा म्हणतो, ‘अॅक्टिंग वैक्टिंग दाखवू नको. हे घरी जावून कर.. इथं राहायचं आहे ना.. ‘ याआधी देखील टीनामूळे शालीन आणि स्टॅन भिडले होते. अगदी हाणामारीपर्यंत गोष्ट गेली होती. याहीवेळी जवळपास हाणामारी पर्यंत ते पोहोचले होते. याचे परिणाम काय होतील हे आज कळेल.
Discussion about this post