हॅलो बॉलिवूड ऑनलाईन। छोट्या पडद्यावरील अत्यंत लोकप्रिय रिऍलिटी शो म्हणून बिग बॉसकडे पाहिलं जात. सध्या बिग बॉस मराठी अगदी शेवटच्या टप्प्यावर आहे. येत्या नव्या वर्षाच्या सुरुवातीलाच हा सीजन प्रेक्षकांचा निरोप घेणार आहे. दरम्यान या शोमधील स्पर्धकांचा घरातील वावर, शोमधून बाहेर पडणारे सदस्य आणि एकंदरच गेल्या ११ आठवड्यात बिग बॉसच्या घराची झालेली अवस्था पाहता सीजन १ ची विजेती मेघा धाडे चांगलीच संतापली आहे. बिग बॉस मराठीचं हे चौथं पर्व टोटल फ्लॉप असल्याचे अनेकदा नेटकरी म्हणाले असतील. पण यावेळी मेघा धाडेसुद्धा स्पष्टचं बोलली आहे.
गेल्या आठवड्यात बिग बॉसच्या घरात डबल एव्हिक्शन झाले. यामध्ये विकास सावंत आणि पुण्याची टॉकरवडी अमृता देशमुख हि शोमधून बाहेर झाली. यानंतर अमृताने इंस्टाग्रामवर पोस्ट शेअर करत आपले दुःख व्यक्त केले. तिने लिहिले आहे कि, ‘बिग बॉस मराठीच्या या टप्प्यावर बाहेर पडलेय या दु:खातून मी अजून बाहेर पडले नाहीये…थोडक्यात ऑल इज नॉट वेल…
काय चूक, काय बरोबर, काय फेअर, काय अनफेअर…याचं विश्लेषण तेव्हाही सुरु होतं आणि आत्ताही सुरु आहे. पण तुमच्या प्रेमामुळे आतमध्ये असताना मला ऊर्जा मिळत होती आणि त्याच गोष्टीमुळे आतासुद्धा मिळतेय… तेव्हा तुम्ही तुमच्यातील सकारात्मक उर्जा ही कमेंट सेक्शनमध्ये शेअर करा म्हणजे सगळं वाटेल.. All Is Well! धन्यवाद’.
अमृताच्या या पोस्टवर पहिल्या सिजनची विजेती मेघा धाडेने कमेंट केली आहे. यामध्ये तिचा संताप अगदी स्पष्ट दिसून येतोय. कमेंटमध्ये तिने लिहिले आहे कि, ‘या पर्वाचं सगळंच गंडलंय. आणखी एक अनफेअर एव्हिक्शन. पण तू निराश होऊ नकोस. तू खूप छान खेळलीस. बिग बॉसच्या घराबाहेर एक मोठा चाहता वर्ग आहे जो तुझ्यावर प्रेम करतो आणि तुझ्या प्रामाणिकपणाची आणि प्रयत्नांची कदर करतो. तू चांगल्या मनानं काम करत राहा. पुढच्या वाटचालीसाठी खूप खूप शुभेच्छा आणि प्रेम’. एकंदरच अन्य प्रेक्षकांप्रमाणे बिग बॉस घरातील आयुष्य जगणाऱ्या एक्स स्पर्धकांना देखील यंदाच्या सीजनमध्ये अनेक त्रुटी असल्याचे जाणवत आहे.
Discussion about this post