हॅलो बॉलिवूड ऑनलाईन। मराठी संगीत विश्वात गेल्या काही काळापासून एकापेक्षा एक सरस गाणी देत तरुणांच्या मनावर राज्य करणारा आणि मिलीनीयर म्हणून ओळख असणाऱ्या संगीतकार प्रशांत नाकतीच्या डोक्यावर नुकत्याच अक्षता पडल्या आहेत. त्याने प्रिया गोसावीसोबत लग्नगाठ बांधली आणि शेवटी तो कुणासाठी नादखुळा आहे हे समोर आलं. प्रशांत नाकतीने गेल्या काही काळात मराठी संगीत विश्वात दर्जेदार मराठी गाण्यांचा संच दिला आहे. त्यामुळे त्याचा असा स्वतःचा एक वेगळा चाहता वर्ग आहे. त्याच्या लग्नाची बातमी ऐकताच सोशल मीडियावर त्याच्यावर शुभेच्छांचा वर्षाव होत आहे.
प्रशांत आणि प्रिया यांचा विवाहसोहळा हा अस्सल मराठमोळ्या पद्धतीत पनवेल येथे थाटामाटात पार पडला. माहितीनुसार त्यांच्या लग्नाला जवळपास २०० हून अधिक कलाकारांनी हजेरी लावली होती. प्रशांत आणि प्रियाच्या विवाह सोहळ्यासाठी इंस्टाग्राम रील स्टार ते युट्युबरपर्यंत अनेक कलाकार मंडळींनी हजेरी लावली होती.
यामध्ये विनायक माळी, गायक हर्षवर्धन वावरे, गायक रवींद्र खोमणे, गायक केवल वाळंज, गायिका सोनाली सोनावणे, संगीतकार कुणाल करण, विशाल फळ, नीक शिंदे, रितेश कांबळे, विजय सोनावणे, गौरी पवार यांचा समावेश आहे. या प्रत्येकाचा सोशल मीडियावर वेगवेगळा चाहता वर्ग आहे,
विशेष सांगायचे असे कि, प्रशांत नाकतीने लिहीलेली तसेच गायलेली गाणी ही नेहमीच तरुणाईचे लक्ष वेधून घेतात. शिवाय सोशल मीडियावर त्याच्या गाण्यांची हवा असते. ‘पोरी तुझ्या नादानं’, ‘मी नादखुळा’, ‘माझी बायगो’, ‘लाजरान साजरा मुखडा’, ‘आपली यारी’ हि आणि अशी एकाहून एक भन्नाट गाणी प्रशांतने संगीत विश्वाला दिली आहेत. आता लग्नानंतर प्रशांत एखाद अलवार मनाला स्पर्श करणारं गाणं घेऊन येईल अशी आशा आहे. शिवाय प्रशांतच्या लग्नाचं एक अतिशय मनोवेधी अधिकृत गाणे लवकरच प्रदर्शित होणार असल्याची माहिती मिळत आहे.
Discussion about this post