हॅलो बॉलिवूड ऑनलाईन। बॉलिवूड अभिनेत्री नोरा फतेही सोशल मीडियावर नेहमीच चर्चेत असते. ती एक चांगली अभिनेत्री आणि कमालीची डान्सर आहे. त्यामुळे तिचा चाहता वर्गही अफाट आहे. सोशल मीडियावर सक्रिय असणारी नोरा अनेकदा विविध फोटोशूट आणि व्हिडीओ शेअर करताना दिसते. तर कधी एखाद्या ठिकाणी अगदी सहज पँपराझींच्या कॅमेरात कैद होते. सध्या तिचा एक व्हिडीओ सोशल मीडियावर चांगलाच व्हायरल होतो आहे. यामध्ये तिने ब्लॅक कलरचा आऊटफिट परिधान केला आहे आणि ती कमालीची सुंदर दिसतेय.
अभिनेत्री नोरा फतेही एका प्रोजेक्टसाठी ती दुबईला गेली होती. यानंतर आता ती दुबईहुन मुंबईला परतली आहे. यावेळी ती मुंबई विमानतळावर सेलिब्रिटी फोटोग्राफर्सला दिसली आणि स्पॉट झाली. पँपराझींचे कॅमेरे तिच्याकडे वळले आणि ती लेन्समध्ये कैद झाली. यावेळी नोराने पूर्ण काळ्या रंगाचा जम्पसूट परिधान केला होता. ज्यामध्ये ती कमालीची दिसत होती. शिवाय तिच्या डोळ्यावर काळा गॉगल होता आणि पायात काळ्या रंगाची फ्लॅट सॅन्डल. याशिवाय तिने सेलिब्रिटी ब्रँडची बॅग कॅरी केली होती. तिचा हा पूर्ण लूक फारच आकर्षक आणि ब्युटी इन ब्लॅक असा होता.
अनेकदा सोशल मीडियावर नोराच्या विविध फोटोशूट आणि मूव्ह्सची चर्चा असते. तिचा हॉट आणि बोल्ड लूक तर नेटकऱ्यांना फारच भावतो. इतकंच काय तर तिचा देसी अंदाजही चाहत्यांना फार आवडतो. नोराचे सोशल मीडियावर ४० मिलियन पेक्षा जास्त फॉलोवर्स आहेत. यामुळे कोणतंही फोटोशूट असो किंवा रील.. नोरा आठवणीने सोशल मीडियावर आपल्या चाहत्यांसह शेअर करताना दिसते.
वर्कफ्रन्टबद्दल बोलायचं झालं तर, अभिनेत्री नोरा फतेही बॉलिवूड सिंगर गुरु रांधवासोबत येत्या ऑक्टोबरमध्ये ऑस्ट्रेलियाच्या म्युझिकल टूरवर असणार आहे. त्यामुळे नोराच्या परदेशी फॅन्ससाठी तिला जवळून पाहण्याची हि एक मोठी संधी आहे.
Discussion about this post