हॅलो बॉलिवूड ऑनलाईन। गेल्या कित्येक दिवसापासून सोशल मीडियावर शाहरुख खानचे आगामी चित्रपट चर्चेत आहेत. यामध्ये ‘जवान’ आणि ‘पठाण’ या दोन्ही चित्रपटांचा समावेश आहे. आज दिनांक २ नोव्हेंबर रोजी शाहरुख खानचा ५७ वा वाढदिवस आहे आणि याच दिवसाचे औचित्य साधून ‘पठाण’ चित्रपटाच्या निर्मात्यांनी त्याच्या चाहत्यांसाठी एक खास गिफ्ट दिलं आहे. हे गिफ्ट म्हणजे ‘पठाण’ चित्रपटाचा धमाकेदार टिझर. आजच्या दिवशी शाहरुखच्या आगामी ‘पठाण’ या चित्रपटाचा धमाकेदार अॅक्शन टिझर प्रदर्शित करण्यात आला आहे. जो सोशल मीडियावर प्रचंड चर्चेत आलाय.
गेल्या अनेक दिवसापासून या चित्रपटातील शाहरुखचा लूक त्याच्या चाहत्यांमध्ये भारी चर्चेत राहिला आहे. यानंतर चित्रपटाच्या पोस्टरनेदेखील प्रेक्षकांचे लक्ष वेधून घेतले होते. चित्रपटाबाबतीत मिळणाऱ्या प्रत्येक अपडेटवर प्रेक्षकांचं बारीक लक्ष होतं. यानंतर अखेर आजच्या दिवशी म्हजेच शाहरुखच्या वाढदिवशी या चित्रपटाची पहिली झलक प्रेक्षकांसमोर आली आहे. टीझरच्या सुरुवातीलाच ‘क्या जानते हो तुम पठान के बारे में….?’ हा डायलॉग ऐकू येतो. त्यानंतर ‘सुना है.. बोहोत टॉर्चर किया उसे.. पता भी नही, पठाण मराभी है या..’… ‘जिंदा है’. यांनतर शाहरुखची जबरदस्त एंट्री होते.
या टीझरमधील शाहरुखची जबरदस्त एंट्री आणि दमदार लूक पाहून चित्रपटाबाबत आणखीच उत्सुकता निर्माण होते. या टीझरमधील डायलॉग्स आणि अॅक्शन सीन प्रेक्षकांसाठी पर्वणी ठरणार आहेत. अभिनेता शाहरुख खान याने स्वतःच्या सोशल मीडियावर हा टिझर शेअर केला आहे. टीझर रिलीज होताच चाहत्यांनी चित्रपटाबाबत उत्सुकता दर्शवली आहे. सोबतच शाहरुखवर शुभेच्छांचा वर्षाव केला आहे. या चित्रपटात शाहरुखसोबत अभिनेत्री दीपिका पादुकोण आणि अभिनेता जॉन अब्राहमदेखील अन्य मुख्य भूमिकेत दिसणार आहेत. येत्या २५ जानेवारी २०२३ रोजी हा चित्रपट हिंदी, तमिळ आणि तेलगू या भाषांमध्ये प्रदर्शित होणार आहे.
Discussion about this post