हॅलो बॉलिवूड ऑनलाईन। जर तुम्ही तुमच्या प्रियसीसोबत लग्न केलात तर आईला ती आवडेलंच किंवा आईचं आणि तीच पटलेचं याची काय गॅरंटी..? मग अशा वेळी सासूची आई आणि सुनेची लेक व्हायला जरासा वेळ लागतोच. पण हा वेळ एका मजेशीर गोष्टीत बदलू लागला कि जास्त मजा येते. कधीतरी खोड्या, कधीतरी काड्या करून हे नातं थोडं थोडं फुलतं. कुणी चुकलं तर दुसऱ्याने सावरायचं, एकाने पसारा घातला तर दुसऱ्याने आवरायचं असं हे आंबट गोड नातं असतं. असच एक खट्याळ सासू आणि नाटाळ सुनेची गोष्ट घेऊन लवकरच झी मराठी एक मालिका घेऊन येत आहे. ज्याचा प्रोमो प्रेक्षकांच्या पसंतीस पडतोय.
खोडकर सुनेच्या खोड्या आणि सुनेवर कुरघोडी करणाऱ्या सासूची गोष्ट घेऊन ‘अगं अगं सूनबाई काय म्हणता सासूबाई’ हि मालिका लवकरच आपल्या भेटीला येत आहे. आजच्या आधुनिक काळातलं सासू सुनेचं नातं कसंही असो पण कदाचित हि मालिका अनेक नाती बहरायला आणि फुलायला मदत करेल. कधी भांडतात, कधी रुसतात पण एकीमेकींसोबतचं नांदतात अशा या सासू सुनेला भेटायला तुम्ही उत्सुक आहात ना..? त्यांचा हा धमाल प्रवास जणू तुझं माझं जमेना आणि तुझ्यावाचून करमेना. या मालिकेत सासूच्या भूमिकेत जेष्ठ अभिनेत्री सुकन्या कुलकर्णी तर सुनेच्या भूमिकेत स्वानंदी टिकेकर दिसणार आहे.
हि मालिका २१ डिसेंबरपासून बुधवार ते शनिवार रात्री १० वाजता झी मराठी या वाहिनीवर प्रसारित आहे. अद्याप या मालिकेतील इतर पात्र कोण असणार आहेत..? त्यांच्या भूमिकेत कोण कलाकार असतील?
याबाबत काहीही माहिती देण्यात आलेली नाही. मात्र व्हायरल प्रोमो व्हिडिओतून सासू- सुनेच्या छोट्याश्या भांडणाचा गोड प्रसंग दाखवला आहे. या मालिकेच्या माध्यामातून घराघरातील सासू सुना एकमेकींना पाण्यात पाहण्यापेक्षा स्वतःला आरशात पाहतील आणि एकमेकींसोबत असलेल्या नात्याची वीण घट्ट करतील अशी आशा आहे.
Discussion about this post