हॅलो बॉलिवूड ऑनलाईन। टॉलिवूडसह आता बॉलिवूडमध्येही आपल्या अभिनयाने प्रेक्षकांचे मन जिंकणारी प्रसिद्ध अभिनेत्री समंथा रूथ प्रभू एका नव्या चित्रपटासह लवकरच प्रेक्षकांच्या भेटीला येत आहे. गेल्या अनेक दिवसापासून तिच्या ‘यशोदा’ या चित्रपटाची प्रचंड चर्चा होती. यानंतर आता यशोदा चित्रपटाचा थ्रिलिंग ट्रेलर रिलीज झाला आहे. जो पाहून भल्याभल्यांची झोप उडेल. हा चित्रपट अतिशय वेगळ्या आणि रोमांचक कथेवर भाष्य करतो. ट्रेलर पाहून स्टोरीलाईन स्पष्ट होत नसली तरी यातील उत्कट भावना मात्र काळजाला हात घालत आहेत.
बहुचर्चित ‘यशोदा’ चित्रपटाचा ट्रेलर नुकताच प्रदर्शित करण्यात आला आहे. सोशल मीडियावर या चित्रपटाचा ट्रेलर प्रचंड व्हायरल होताना दिसतो आहे. शिवाय प्रेक्षक याला आपली पसंती देखील दर्शवित आहेत. हा चित्रपट पूर्णपणे ‘सरोगसी’ या विषयावर भाष्य करतो. हा विषय हाताळण्यासाठी अत्यंत अवघड असून यातील बारकावे यशोदामध्ये दाखविण्याचा उत्तम प्रयत्न केलेला आहे. मेडिकल फिल्डमधील एक मोठी साखळी कशाप्रकारे सरोगसी करुन या सेवाभावी कार्याला काळीमा फासते, असे या चित्रपटाचे एकंदर कथानक आहे. यशोदाच्या माध्यमातून अतिशय मोठ्या विषयाला तोंड फोडले जात आहे. त्यामुळे हा चित्रपट प्रचंड वेगळा आणि रंजक मानला जात आहे.
अगदी काही दिवसांपूर्वी यशोदाचा कन्नड, तमिळ अशा विविध भाषांमधील ट्रेलर रिलीज झाला होता. त्यामुळे आता विविध भाषेत या चित्रपटाच्या ट्रेलरची चर्चा आहे. चर्चा इतकी आहे तर चित्रपट प्रदर्शित झाल्यावर काय जादू करेल हे काही वेगळे सांगायची गरज नाही. मुख्य म्हणजे, ‘यशोदा’ या चित्रपटाच्या निमित्ताने मेडिकल फिल्डमधील काही अराजक गोष्टी प्रेक्षकांसमोर येणार आहेत. त्यामुळे हा चित्रपट पाहणे अत्यंत रोमांचक ठरेल. यशोदामध्ये समंथा एका वेगळ्या अंदाजात दिसत आहे. त्यामुळे तिचे चाहतेही या चित्रपटाबाबत उत्सुक आहेत. हा चित्रपट येत्या ११ नोव्हेंबर २०२ रोजी प्रदर्शित होणार आहे. हा चित्रपट तेलुगू, तमिळसह हिंदी, कन्नड आणि मल्याळम भाषांमध्येदेखील प्रदर्शित केला जाईल.
Discussion about this post