हॅलो बॉलिवूड ऑनलाईन। सोशल मीडियावर ‘बॉयकॉट पठाण’ ट्रेंड सुरु असल्यामुळे या चित्रपटाचे भविष्य प्रचंड धोक्यात असल्याचे दिसून आले. चित्रपटातील ‘बेशरम रंग’ या गाण्यात अभिनेत्री दीपिका पदुकोणने परिधान केलेल्या बिकीनीच्या रंगामुळे हा चित्रपट मोठ्या वादाच्या भोवऱ्यात अडकला.
यानंतर झुमे जो पठाण हे गाणे रिलीज झाले आणि ट्रोलर्सनेही याही गाण्यावरून चित्रपटाला चितपट केले. पण सेन्सर बोर्डाच्या सूचनेनुसार या चित्रपटात महत्वाचे बदल केल्याचे समोर आले आहे त्यामुळे तूर्तास तरी चित्रपट प्रदर्शित होताना अडचण येणार नाही अशी अपेक्षा आहे. त्यामुळे आता ‘पठाण’चा दमदार ट्रेलर देखील रिलीज करण्यात आला आहे. जो सोशल मीडियावर चांगला प्रतिसाद मिळवताना दिसतो आहे.
काही दिवसांपूर्वीच पठाण’मधील २ गाणी प्रदर्शित झाली. ज्यामध्ये दीपिका आणि शाहरुख यांची केमिस्ट्री आणि लूक पहायला मिळाला. यानंतर आता नुतकाच ट्रेलर प्रदर्शित झाला आहे तो पाहून प्रेक्षक थक्क झाले नसतील तर नवलं! हा ट्रेलर केवळ २ मिनिट ३४ सेकंदाचा आहे. पण ट्रेलरमध्ये शाहरुख आणि दीपिकाचे अ‍ॅक्शन सीन्स तुमचे लक्ष वेधून घेतील.
चित्रपटात मुख्य भूमिकेत भले शाहरुख असेल पण हवा जॉन अब्राहमची आहे. या चित्रपटात जॉन निगेटिव्ह रोल करत असला तरीही त्याचा लूक, अ‍ॅक्शन सीन्स तुमची नजर इकडे तिकडे वळून देणार नाहीत. या चित्रपटाचा ट्रेलर काही मिनिटांतच १५ लाखांहून अधिक लोकांनी पाहिला आहे आणि पसंतही केला आहे.
चित्रपटाच्या ट्रेलरनुसार, जॉन देशावर हल्ला करण्यासाठी आला आहे आणि त्याच्यासोबत शाहरुखची लढत सुरु आहे. तर शाहरुखसोबत दीपिकादेखील देशावरील संकट टाळण्यासाठी लढताना दिसतेय. ट्रेलरमधील या कलाकारांचा अ‍ॅक्शन लूक फारच प्रभावशाली आहे.
चित्रपटाच्या ट्रेलरला प्रेक्षकांकडून मिळत असलेला प्रतिसाद पाहता आता निर्मात्यांना चित्रपटाच्या भविष्याची चिंता करावी लागणार नाही असे दिसत आहे. या चित्रपटाचे दिग्दर्शन सिद्धार्थ आनंदने केले आहे. ‘पठाण’ हा चित्रपट येत्या २५ जानेवारी २०२३ रोजी प्रदर्शित होणार असून इतक्या वादानंतर हा चित्रपट बॉक्स ऑफिसवर काय कमाल करतो..? हे पाहणे उत्सुकतेचे आहे.
Discussion about this post