हॅलो बॉलिवूड ऑनलाईन । नागरिकत्व दुरुस्ती कायद्यामुळे दिल्ली हिंसाचाराबाबत ट्विटरवरुन सतत प्रतिक्रिया उमटत आहेत. गेल्या दोन दिवसांपासून हिंसाचाराने प्रभावित भागात शांतता असली तरी तणाव अजूनही कायम आहे. आता बॉलिवूड अभिनेता प्रकाश राजची प्रतिक्रिया दिल्लीच्या परिस्थितीवर आली आहे. प्रकाश राज यांनी आपल्या ट्विटच्या माध्यमातून नेत्यांना जोरदार लक्ष्य केले आहे. प्रकाश राज यांचे हे ट्विट सोशल मीडियावर चांगलेच व्हायरल होत आहे.
या ट्विटमध्ये अभिनेता प्रकाश राज यांनी बीबीसीचा एक व्हिडिओ पोस्ट करत लिहिले आहे की, “आम्ही एक समाज म्हणून काय झालो आहोत … या असभ्य विचारणा करणाऱ्या प्रत्येक मतदारांच्या विवेकाकडे बघत त्यांच्या मताने सत्तेवर आणले … “त्याचवेळी प्रकाश राज यांनी शेअर केलेला हा व्हिडिओ दिल्लीतील हिंसाचाराचा बळी ठरलेल्या कुटुंबियांना दाखवितो. प्रकाश राज ट्वीट यांच्या या ट्विटवर बरीच चर्चा रंगते आहे.
सीएए आणि एनआरसीवरील दिल्लीतील हिंसाचारात ४२ लोकांचा मृत्यू झाला आहे. तर २०० हून अधिक लोक जखमी आहेत. दंगल नक्कीच संपली आहे, परंतु त्याच दुःख मात्र लोकांना बराच वेळ त्रास देईल. दंगली मध्ये जे लोक मारले गेले त्याच्या कुटुंबियांमध्ये शोक करण्याखेरीज काहीही उरले नाही. पूर्वोत्तर दिल्ली जिल्ह्यातील हिंसाचारात अनेक शाळाही पेटवण्यात आल्या.
