हॅलो बॉलिवूड ऑनलाईन| उद्यापासून संपूर्ण राज्यात वाळवी लागणार आहे. होय होय. वाळवी. सुबोध भावे, अनिता दाते, स्वप्नील जोशी आणि शिवानी सुर्वे अभिनित, परेश मोकाशी दिग्दर्शित ‘ वाळवी ‘ हा चित्रपट उद्या प्रदर्शित होतो आहे. अलीकडेच या चित्रपटाचे स्क्रिनिंग झाले आणि यावेळी अनेक कलाकार उपस्थित होते. दरम्यान प्रसाद ओक देखील उपस्थित होता आणि आता त्याने या चित्रपटाचे कौतुक करणारी एक पोस्ट शेअर केली आहे. अधिकृत सोशल मीडिया हॅण्डल इंस्टाग्रामवर त्याने ही पोस्ट शेअर केली आहे.
अभिनेता प्रसाद ओकने या पोस्ट सोबत कॅप्शनमध्ये लिहिले आहे की, “वाळवी” एक अप्रतिम र हास्य “पट…!!! मधुगंधा आणि परेशची जगावेगळी कल्पनाशक्ती आहे आणि परेश चा HUMOUR हा कल्पनाशक्ती पलीकडचा आहे. आणि हेच या चित्रपटात ठायी ठायी दिसून येतं. उत्तम विषय, उत्तम पटकथा, धमाकेदार संवाद, लाजवाब दिग्दर्शन आणि सर्व कलाकारांचा अफलातून अभिनय’.
पुढे लिहिलंय, ‘सुबोधनी कमाल काम केलंय, शिवानी अनिता, नम्रता यांनी फारच धमाल केलीय, आणि स्वप्नील जोशी तर लाजवाब…!!! सुबोध आणि स्वप्नील ला खरोखरच वेगळ्या रूपात दाखवण्यात परेश 10000% यशस्वी झालाय असं मला तरी वाटतं. खरोखरच या पठडीपेक्षा वेगळ्या चित्रपटाला पाठबळ दिल्याबद्दल @zeestudiosmarathi चे मनःपूर्वक आभार मानायला हवेत. हा चित्रपट उद्यापासून सर्वत्र प्रदर्शित होतो आहे. जरूर जरूर जरूर बघाच…!!!’.
Discussion about this post