हॅलो बॉलिवूड ऑनलाईन। बॉलीवूड अभिनेत्री परिणीती चोप्रा आणि आम आदमी पार्टी’चे खासदार राघव चड्ढा यांनी गेल्या शनिवारी १३ मे २०२३ रोजी दिल्लीच्या कपूरथला हाऊसमध्ये शाही स्वरूपात साखरपुडा केला. या सोहळ्यात अनेक दिग्गज मंडळी उपस्थित होती. राघव आणि परिणितीच्या साखरपुड्यानंतर त्यांच्या आयुष्यातील या अत्यंत सुंदर क्षणाचे फोटो तसेच काही व्हिडीओ सोशल मीडियावर व्हायरल होत आहेत.
दोघांच्या चाहत्यांनी सोशल मीडियाच्या माध्यमातून त्यांच्यावर शुभेच्छांचा वर्षाव केला आहे. साखरपुड्यानंतर आता ३ दिवसांनी परिणीती दिल्लीतून मुंबईला रवाना झाली आहे. दरम्यान तिने शेअर केलेली इंस्टा स्टोरी चर्चेत आहे. शिवाय राघव परिणितीच्या साखरपुड्यातील अनसीन व्हिडीओ देखील व्हायरल झाला आहे.
अभिनेत्री परिणीती चोप्राने अधिकृत सोशल मीडिया हॅण्डल इंस्टाग्रामवर दिल्लीतून निघताना स्टोरी पोस्ट केली आहे. दिल्ली एअरपोर्ट परिसरातील फोटो तिने स्टोरीवर पोस्ट करत राघव चड्ढा यांच्यासाठी खास संदेश लिहिला आहे.
या फोटोवर परिणीतीने लिहिलं आहे कि, ‘बाय बाय ‘दिल्ली’…मी तुझा निरोप घेत असले तरीही, मी माझे ‘प्रेम’ इथे ठेवून जात आहे’. परिणीतीने हि स्टोरी होणाऱ्या पतीला म्हणजेच राघव चड्ढा यांना उद्देशून शेअर केली आहे हे या मजकुरातून स्पष्ट होत आहे.
याशिवाय सोशल मीडियावर त्यांच्या साखरपुड्यातील एक व्हिडीओ व्हायरल होत आहे. ज्यामध्ये हे लव्हबर्ड्स रोमँटिक होताना दिसले आहेत. या व्हिडिओच्या बॅकग्राउंडमध्ये ‘केसरी’ चित्रपटातील ‘माही वे’ गाणं वाजत आहे. यामध्ये राघव आणि परिणीती एकमेकांच्या अतिशय जवळ आणि एकमेकांसोबत प्रचंड आनंदी दिसत आहेत. इतकेच नव्हे तर राघव परिणितीच्या गालावर आणि ओठांवर चुंबन घेताना देखील दिसत आहे. त्यांचा हा रोमँटिक व्हिडीओ सोशल मीडियावर तुफान व्हायरल होत असून त्यांच्या केमिस्ट्रीची चर्चा सुरु आहे.
Discussion about this post