हॅलो बॉलिवूड ऑनलाईन। लोकप्रिय जोडी अभिनेता रितेश देशमुख आणि अभिनेत्री जिनिलीया डिसोजा- देशमुख यांचा ‘वेड’ हा चित्रपट नादखुळा ठरला. हा चित्रपट दाक्षिणात्य चित्रपटाचा मराठी रिमेक असूनही तुफान गाजला. ‘वेड’ या चित्रपटाने बॉक्स ऑफिसवर एक वेगळाच विक्रम करत इतिहास रचला आहे.
या चित्रपटाने संपूर्ण महाराष्ट्राला वेड लावलं आणि बॉक्स ऑफिसवर तगडी कमाई केली. मराठी सिनेसृष्टीतील ‘सैराट’नंतर जवळपास ७५ कोटींचा आकडा पार करणारा हा दूसरा चित्रपट ठरला. त्यामुळे या चित्रपटाचं क्रेझ तुफान आहे. प्रेक्षक गेल्या अनेक दिवसांपासून हा चित्रपट ओटीटीवर कधी रिलीज होणार या प्रतीक्षेत होते. तर आता हि प्रतीक्षा संपली आहे.
गेले कित्येक दिवस प्रेक्षक ‘वेड’ या चित्रपटाच्या ओटीटी रिलीजची वाट बघत होते. तर आता वेटिंग खतम एंटरटेनमेंट शुरु.. कारण रितेश आणि जिनिलीयाचा ‘वेड’ आता लवकरच ओटीटी प्लॅटफॉर्मवर प्रदर्शित होतो आहे. अभिनेता रितेश देशमुखने त्याच्या सोशल मीडिया हँडलच्या माध्यमातून ‘वेड’च्या ओटीटी रिलीजची माहिती दिली आहे. येत्या २८ एप्रिल २०२३ पासून ‘वेड’ हा अत्यंत गाजलेला मराठी चित्रपट ‘डिज्नी प्लस हॉटस्टार’ या ओटीटी प्लॅटफॉर्मवर पाहता येणार आहे. शिवाय हा चित्रपट मराठी आणि हिंदी अशा दोन्ही भाषांमध्ये पाहता येणार असल्याने इतर भाषिक प्रेक्षकांनाही याचा आनंद घेता येईल.
रितेश- जिनिलीयाचा ‘वेड’ हा चित्रपट त्याच्या टिझर, ट्रेलरपासूनही प्रचंड चर्चेत राहिला. यानंतर जेव्हा थिएटर रिलीज झालं तेव्हा मात्र प्रत्येक शोसाठी प्रेक्षकांची तुडुंब गर्दी पहायला मिळाली. हा चित्रपट साऊथ स्टार नागा चैतन्य आणि समंथा रूथ प्रभू यांच्या ‘मजिली’ चित्रपटाचा अधिकृत मराठी रिमेक आहे. अनेकांनी ‘मजिली’ हा चित्रपट पाहूनही ‘वेड’वर मात्र वेड्यासारखं प्रेम केलं. केवळ कथानक नव्हे तर कलाकारांचा अभिनय, गाणी सगळं कस अप टू द मार्क. या चित्रपटात रितेश देशमुख, जिनिलीया देशमुख, ज्येष्ठ अभिनेते अशोक सराफ, शुभंकर तावडे, जिया शंकर हे कलाकार मुख्य भूमिकेत आहेत. तर बॉलिवूडचा भाईजान अर्थात अभिनेता सलमान खान या चित्रपटात पाहुण्या कलाकाराच्या भूमिकेत झळकला आहे.
Discussion about this post