हॅलो बॉलिवूड ऑनलाईन। पुनित बालन स्टुडिओज निर्मित आणि महेश लिमये दिग्दर्शित तवाफ्राय प्रेमाची रवाफ्राय लव्हस्टोरी ‘जग्गू आणि ज्युलिएट’ हा नवाकोरा चित्रपट लवकरच आपल्या भेटीला येत आहे. येत्या १व फेब्रुवारी २०२३ रोजी हा चित्रपट प्रदर्शित होणार असून नुकतेच या चित्रपटातील पहिले रोमँटिक गाणे रिलीज झाले आहे. या गाण्याचे शीर्षक ‘मना…’ असे आहे. हे गाणे रिलीज होऊन काहीच वेळ झाला आहे आणि इतक्यात ३००० हुन अधिक लोकांनी हे गाणे पाहिले असून आपली पसंती दर्शवली आहे.
जग्गू आणि ज्युलिएट एक रोमँटिक लव्हस्टोरी असली तरीही यात काहीतरी नवीन देण्याचा प्रयत्न करण्यात आला आहे. या चित्रपटात अभिनेता अमेय वाघ आणि अभिनेत्री वैदेही परशुरामी हे मुख्य भूमिकेत दिसत आहेत. कोळीवाड्याचा जग्गू अर्थात अमेय आणि लॉस अँजेलिसची ज्युलिएट अर्थात वैदेही यांच्या प्रेमाची हि गोष्ट आहे. नुकत्याच रिलीज झालेल्या मना या गाण्यात जग्गू त्याच्या ज्युलिएटवरील आपले प्रेम व्यक्त करताना दिसतो आहे. ‘मना.. तुझ्याविना.. न कळली कुणा.. हि भावना’ असे काहीसे याचे बोल आहेत. या गाण्याला अजय गोगावले यांनी आपला सुरेल आवाज दिला आहे. इतकेच काय तर गाण्याचे बोल आणि संगीत देखील अजय- अतुल या प्रसिद्ध जोडीने दिलेले आहे. त्यामुळे गाण्यात एक वेगळाच फ्रेशनेस आहे जो आपल्याला आकर्षित करत आहे.
या चित्रपटात अमेय वाघ, वैदेही परशुरामी यांच्यासह मनोज जोशी, प्रवीण तरडे, सविता मालपेकर, जयवंत वाडकर, उपेंद्र लिमये, समीर धर्माधिकारी, हृषिकेश जोशी, अविनाश नारकर, सुनील अभ्यंकर, समीर चौघुले, केयुरी शहा, अंगद म्हसकर, रेणुका दफ्तरदार, अभिज्ञा भावे अशा तगड्या कलाकारांची स्टारकास्ट आहे.
या चित्रपटाची निर्मिती पुनित बालन स्टुडिओज यांनी केली असून दिग्दर्शन महेश लिमये यांनी केले आहे. तर चित्रपटाची कथा, पटकथा हि महेश लिमये, अंबर हडप आणि गणेश पंडित यांची आहे. तसेच संवाद अंबर हडप आणि गणेश पंडित यांनी लिहिली आहेत. छायाचित्रणाची जबाबदारी महेश लिमये यांनी बखुबी निभावली आहे.
Discussion about this post