Take a fresh look at your lifestyle.

सलमान खानचा ‘हा’ चित्रपट अजूनही जपानच्या थिएटरमध्ये आहे सुरु; चाहते करतात गर्दी

हॅलो बॉलीवूड ऑनलाइन | कबीर खान आणि सलमान खानची जोडी बॉलिवूडच्या सर्वोत्कृष्ट अभिनेता आणि दिग्दर्शक जोडीत मोजली जाते. या दोघांनी एक था टायगर आणि बजरंगी भाईजान सारख्या चित्रपटात एकत्र काम केले आहे. दोन्ही चित्रपटांचे खूप कौतुक झाले. बजरंगी भाईजान हा चित्रपट प्रदर्शित होऊन 5 वर्षे झाली आहेत. या चित्रपटाच्या कलाकारासह दिग्दर्शक कबीर खानदेखील आपला पाचवा वर्धापन दिन साजरा करीत आहेत. या निमित्ताने व्हिडिओ शेअर करुन कबीरने जुने दिवस आठवले आहेत.

व्हिडिओ इंस्टाग्रामवर शेअर करताना कबीर खानने लिहिले की – आपल्या हृदयातून निघालेला हा चित्रपट माझ्यासाठी नेहमीच खास ठरेल कारण तुम्ही सर्वांनी बजरंगी भाईजानवर अफाट प्रेम केले. आपल्या कौतुकाबद्दल धन्यवाद. #5YearOfBajrangiBhaijaan. त्याचवेळी कबीर खानने आणखी एक पोस्ट शेअर केली आहे.या पोस्टच्या माध्यमातून त्यांनी सांगितले की रिलीजच्या 5 वर्षानंतरही बजरंगी भाईजान अजूनही जपानच्या चित्रपटगृहात सुरू आहे. त्यांनी लिहिले- 5 वर्षांनंतरही हा चित्रपट जपानमधील काही चित्रपटगृहांमध्ये सुरू आहे.

कबीर खानशिवाय सलमान खाननेही बजरंगी भाईजानची 5 वर्षे साजरी करण्यासाठी ट्विटरवर एक व्हिडिओ शेअर केला आहे. सलमान खान फिल्म्स, सलमान खानचे प्रॉडक्शन हाऊस अंतर्गत निर्मिती असलेला हा पहिला चित्रपट होता. या आनंदात, त्याच्या प्रॉडक्शन हाऊसने चित्रपटाशी निगडित 5 जादूई आणि अत्यंत संस्मरणीय क्षणांचा व्हिडिओ सामायिक केला आहे.

या चित्रपटात सलमान खानबरोबर हर्षाली मल्होत्रा ​​नवाजुद्दीन सिद्दीकी, करीना कपूर खान आणि इतर अनेक कलाकारांनी काम केले होते.

Comments are closed.