हॅलो बॉलिवूड ऑनलाईन। पंजाबी गायक गुरु रंधवा आणि शहनाज गिल यांचा एक जबरदस्त सॉन्ग व्हिडीओ सध्या सोशल मीडियावर व्हायरल झाला आहे. यामध्ये शहनाज आणि गुरु यांची कमाल केमिस्ट्री प्रेक्षकांना प्रचंड आवडते आहे. दरम्यान अधिकृत इंस्टाग्रामवर एक व्हिडिओ शेअर करत गुरु रंधवाने आपल्या चाहत्यांना एक प्रश्न विचारला आहे. गुरूने चाहत्यांना शहनाज गिलसोबतच्या त्याच्या केमिस्ट्रीबद्दल विचारताना म्हटलय कि, आम्ही क्युट दिसतो का..?’
गुरु आणि शहनाजचा लेटेस्ट म्युझिक व्हिडीओ ‘मून राइज’देखील प्रचंड चर्चेत आहे. अशातच गुरूने सोशल मीडियावर शहनाजसोबतचा हा व्हिडीओ शेअर करत चाहत्यांना विचारलं आहे कि, ‘मी आणि शहनाज दोघेही एकमेकांसोबत क्यूट दिसत आहोत का…?’ हा व्हिडिओ शेअर करताना गुरूने कॅप्शनमध्ये लिहिले आहे कि, ‘लोक म्हणतात की आम्ही एकत्र गोंडस दिसतो. खरच का? मी आणि शहनाज गिल तुम्हा सर्वांचे आभार मानतो’. दोघांचाही हा व्हिडीओ चांगलाच व्हायरल होत आहे.
‘बिग बॉस १३ मधून प्रकाश झोतात आलेली शहनाज आणि सिद्धार्थ यांची जोडी सिडनाझ म्हणून प्रसिद्ध झाली. मात्र सिद्धार्थच्या निधनानंतर शहनाज एकटी पडली होती. खूप कमीवेळा हसताना दिसत होती. पण आता गुरुसोबत पहिल्यांदाच ती फार खुश दिसली आहे. यामुळे लोकांनी या जोडीला पसंती दिली आहे. पिंक ड्रेसमध्ये शहनाज आणि व्हाईट शर्टमध्ये गुरु कमालीचे भारी दिसत आहेत. नेटकऱ्यांनी तर या जोडीला एव्हढं प्रेम दिल आहे कि, लग्न करून टाका असेही म्हटले आहे.
Discussion about this post