हॅलो बॉलिवूड ऑनलाईन। सोशल मीडियावर आपल्या विविध वक्तव्यांसाठी चर्चेत राहणारी शर्लिन चोप्रा गेल्या काही दिवसापासून वेगळ्याच कारणासाठी चर्चेत आहे. बिग बॉस १६ मध्ये सहभागी झालेल्या साजिद खानवर गंभीर आरोप लावीत पोलिसांत तक्रार दाखल केली आहे. शिवाय साजिदला बिग बॉसमधून बाहेर कशा अशी मागणीदेखील तिने केली होती. सलमान साजिदवर मुद्दाम कारवाई करत नाही असा आरोप लावत तिने पत्रकारांसमोर रडारड करीत जोरदार ड्रामा केला. यावरून राखी सावंतने तिची खरडपट्टी काढली होती. त्यावर पलटवार म्हणून आता शर्लिनने राखीच्या खाजगी आयुष्यावर निशाणा साधला आहे.
सेलिब्रिटी फोटोग्राफर विरल भयानीच्या इंस्टाग्राम हँडलवर तिचा हा व्हिडीओ शेअर करण्यात आला आहे. ज्यामध्ये शर्लिन राखी सावंतची नक्कल करताना दिसत आहे. राखी आणि तिचा बॉयफ्रेंड आदिल हे ट्रेंडिंग कपल राहिले आहेत. त्यामुळे शर्लिनने याच विषयावर निशाणा साधत राखीला करकचून चिमटा काढला आहे. शर्लिनने राखीशी पंगा घेत तिला समोर येऊन दाखव.. समोर येऊन बोल असे आव्हान देखील दिले आहे. सध्या सोशल मिडीयावर शर्लिनच्या ड्रामेबाजीचा हा व्हिडीओ तुफान व्हायरल होतो आहे.
अलीकडेच राखीचा एक व्हिडीओ व्हायरल झाला होता. ज्यामध्ये तिने शर्लिनची नक्कल करत तिची टर् उडवली होती. यात राखी म्हणाली आहे कि, ‘का केस होइल, जेव्हा त्याची चूक नाही. त्याच्याविरुद्ध कोणीही साक्ष दिली नाही, न्यायालयाने साजिद खानला सजा-ए-फसी किंवा काला पाणीचीही शिक्षा केली नाही. तू साडी नेसून ४ किलोचा मेकअप करुन, मीडियासमोर येवून आरोप करशील. तुला स्वतःची लाज वाटत नाही का? तु वाटीभर पाण्यात जीव का देत नाही. याशिवाय मीडियासमोर कोणावरही आरोप करण्यापूर्वी विचार करायला हवा, असे राखीने म्हटले होते. याच वक्तव्यावर प्रत्युत्तर म्हणून शर्लिनने राखीची नक्कल करीत संताप व्यक्त केलाय.
Discussion about this post