हॅलो बॉलिवूड ऑनलाईन। कलर्स मराठी सध्या टीआरपीच्या लिस्टमध्ये इतर मराठी वाहिन्यांना एकदम जोरदार टक्कर देत आहे. सध्या टीआरपीच्या टॉप १० मध्ये कलर्सने बाजी मारली आहे. कलर्स मराठी वरील विविध कथानकांवर आधारित धार्मिक, कौटुंबिक अशा विविध जॉनरच्या मालिका प्रेक्षकांच्या पसंतीस पडताना दिसत आहेत. अशातच आता आणखी एक नवीकोरी मालिका लवकरच कलर्स मराठीवर सुरु होत आहे. पण इतर कोणत्याही कथानकापेक्षा अतिशय वेगळ्या कथेवर आधारलेली अशी हि मालिका असणार आहे. या मालिकेचे नाव ‘शेतकरीच नवरा हवा’ असे आहे.
हि मालिका येत्या १४ नोव्हेंबर २०२२ पासून कलर्स मराठीवर सायंकाळी ६ वाजून ३० मिनिटांनी प्रसारित होणार आहे. त्याआधी नुकताच या मालिकेचा पहिला वहिला प्रोमो कलर्स मराठीच्या अधिकृत सोशल मीडिया हँडलवर शेअर करण्यात आला आहे. हि मालिका पूर्णपणे शेतकरी आणि त्याच्या जीवनावर आधारित आहे. शिवाय हि मातीशी जोडलेली एक गोड प्रेमकथा असणार आहे. त्यामुळे या प्रोमोला प्रेक्षकांनी चांगला प्रतिसाद दिला आहे. अनेकांनी प्रोमो पाहून मालिकेच्या कथानकाचे कौतुक केले आहे.
इतकेच नव्हे तर अनेकांनी मालिकेच्या कथानकात शेतकरी राजा सन्मान करा, चांगली कथा दाखवा अशी अपेक्षा देखील व्यक्त केली आहे. या प्रोमोमध्ये एक शेतकरी तोडणीच्या वेळी वृक्ष आणि भुई मातेला सन्मानित करताना दाखवला आहे. तिला आई म्हणून तिची पूजा करून तिच्या संमतीने तोडणीला सुरुवात करण्याचा हा प्रसंग दाखवण्यात आला आहे. त्यामुळे हा प्रोमो प्रेक्षकांना चांगलाच भावला आहे. आता हि मालिका सुरु झाल्यानंतर प्रेक्षकांना किती भावते हे पाहणे अतिशय उत्कंठता वाढविणारे आहे.
Discussion about this post