हॅलो बॉलिवूड ऑनलाईन। ‘बिग बॉसच्या १६ व्या पर्वात रोज नवे ट्विस्ट पहायला आता प्रेक्षकांना आणखीच मजा येत आहे. जेमतेम काही आठवडे शिल्लक राहिले असताना घरात प्रत्येकजण जिंकण्यासाठी खेळतो आहे. अशातच एव्हीक्ट होऊन घराबाहेर पडलेली श्रीजीता डे आता पुन्हा एकदा घरात वाईल्ड कार्ड म्हणून रीएंट्री घेते आहे. यामुळे घरातील बरीच समीकरण पटापट बदलताना दिसतील. टिना दत्ता आणि श्रीजीता डे यांच्या मैत्रीबद्दल तर सगळेच जाणतात. याच मैत्रीतले काही राहिलेले हिशोब आता श्रीजीता चुकते करणार हे तिच्या एंट्रीवरूनच समजत आहे.
कलर्स टीव्हीच्या अधिकृत सोशल मीडिया हॅण्डल इंस्टाग्रामवर एक प्रोमो शेअर करण्यात आला आहे. ज्यामध्ये श्रीजीता डे बिग बॉसच्या घरात रिएंट्री करताना दिसणार आहे. तिच्या एंट्रीने काही स्पर्धक खूपच खुश तर काही स्पर्धक खूपच नाराज होताना दिसत आहेत. यावेळी ऍक्टिव्हिटी एरियामध्ये टीना आणि श्रीजीता यांची छोटीशी कॅटफाईट सुद्धा दिसणार आहे. तर घरात रिएंटर होताच श्रीजीता शालीनला मिठी मारताना दिसेल आणि कॅमेराकडे पाहिल. यामुळे नक्कीच टिनाला कुठे ना कुठे मिरची लागणार हे तर नक्की आहे.
श्रीजीताच्या ‘बिग बॉसमध्ये परत येण्याने टीना इतकी नाराज होते कि बिग बॉसला म्हणते, ‘तुम्हाला माझा आनंद, माझं सुख पहावत नाही ना..’. आता घरात मजा येणार असं प्रियांका बोलताना दिसते. श्रीजीता बिग बॉसच्या घरातून एव्हीक्ट झालेली पहिलीच स्पर्धक होती. जिच्या खेळण्याचे सामर्थ्य होते मात्र पहिल्याच आठवडयातील नॉमिनेशमूळे तिला हा खेळ सोडावा लागला होता. यानंतर आता जवळपास १० आठवड्याचा खेळ ती पाहून पुन्हा घरात येते आहे. याचा तिला कुठेतरी फायदा आणि घरातील सदस्यांना तोटा होणार हे नक्की. आता घरात कोणतं वादळ किती घोंघावणार हे पाहण्यात खरी मजा येणार आहे.
Discussion about this post