हॅलो बॉलिवूड ऑनलाईन। छोट्या पडद्यावरील अत्यंत लोकप्रिय आणि बहुचर्चित कार्यक्रम म्हणजे ‘बिग बॉस’. यंदा कलर्स हिंदीवरील बिग बॉसचे १६ वे सीजन कमाल सुरु असून त्याची टीआरपी पाहता मेकर्सने ४ आठवडे शो वाढवला आहे. त्यामुळे घरातील स्पर्धक जितके खुश आहेत तितकीच त्यांच्या खांद्यावर शोची जबाबदारी आली आहे. अलीकडेच बिग बॉसच्या १६ व्या पर्वात दोन वाईल्ड कार्ड एंट्री झाल्या. ज्यामध्ये विकास माणिकताला आणि एक्स स्पर्धक श्रीजीता डे घरात पुन्हा एंटर झाली. श्रीजीता आल्यामुळे टिनाचा मूड फारच खराब झाला. याचे कारण फारच उघड होते कि दोघींमध्ये न दिसणारं एक युद्ध नक्की चालू आहे. पण आता या दोघीही घरात आहेत आणि दोघीही एकमेकींना झोंबत आहेत.
दरम्यान सोशल मीडियावर श्रीजीताचा एक असा व्हिडीओ व्हायरल होतोय, जो पाहून तुम्हालाही शॉक लागेल. शोच्या पहिल्याच आठवड्यात एलिमिनेट होऊन आता वाईल्ड कार्ड म्हणून रिएंटर झालेली श्रीजीता आणि टीना यांचं एकमेकींसोबत पटत नाही हे आपण अनेकदा पाहिले. कितीतरी वेळा या एकमेकींबद्दल मागून बोलतात. पण यावेळी श्रीजीता जे बोलली आहे ते ऐकून सगळ्यांचे कां उभे राहतील. कलर्स टीव्हीच्या अधिकृत सोशल मीडिया हँडलवर हा प्रोमो व्हिडीओ शेअर करण्यात आला आहे. ज्यामध्ये श्रीजीता सौंदर्यासोबत गप्पा मारताना दिसते आहे आणि इथे ती टीनाबद्दल मोठमोठे खुलासे करताना दिसत आहे.
या व्हायरल प्रोमोची सुरुवात ‘सत्य हे थोडं विचित्र असतं’ या बॅकव्हॉइसने होते. यानंतर श्रीजिता सौंदर्याशी बोलताना दिसतेय कि, ‘टीना मुलांच्या अटेंशनशिवाय राहूच शकत नाही. तिने आतापर्यंत अनेकांचे घर तोडण्याचा आणि संसार उद्ध्वस्त करण्याचा प्रयत्न केलाय. पण स्वतः मात्र अजूनही लग्न केलं नाहीये. तुम्ही स्वतः इतके नाखुश आहात, की तुम्हाला दुसऱ्यांना खाली खेचून आनंद मिळतो’. आपण सारेच जाणतो कि, टीना आणि श्रीजीता यांनी एकाच मालिकेत एकत्र काम केलं आहे. त्या जुन्या मैत्रिणी आहेत. दोघींचे कुटुंबीय एकमेकांना चांगलं ओळखतात आणि त्यांच्या आई मैत्रिणी आहेत. पण या दोघींचं नातं मात्र काहीसं ठीक नाही. आता श्रीजीता जे बोलली ते टिनाला समजल्यावर घरात काय राडे होणार हे तर आगामी भागांतच कळेल.
Discussion about this post