सुशांत आत्महत्या प्रकरण ; सुब्रमण्यम स्वामी यांनी सीबीआयला कूपर रुग्णालयाच्या डॉक्टरांची चौकशी करण्याची केली विनंती

हॅलो बॉलीवूड ऑनलाईन | बॉलिवूड अभिनेता सुशांतसिंग राजपूतचे प्रकरण वेगाने पुढे जात आहे. या प्रकरणात, दररोज नवीन खुलासे पहायला मिळत आहेत. सीबीआयकडे तपास जाताच या प्रकरणाने वेगळ्या पद्धतीचा अवलंब केला आहे. आता या प्रकरणाशी संबंधित लोकांची चौकशी केली जात आहे. त्याचबरोबर लोक सुशांत सिंग प्रकरणात सोशल मीडियावर सतत आपली प्रतिक्रिया देत असतात. त्याचवेळी भाजप खासदार सुब्रमण्यम स्वामी यांनी पुन्हा एकदा या प्रकरणात मोठा आरोप केला आहे.

CBI will find it worthwhile to grill the Dr. R.C. Cooper Muncipal Hospital the five doctors who did the autopsy. According to the Ambulance staff that took SSR’s body to the hospital, SSR’s feet was twisted below his ankle (as if it was broken). Case is unravelling!!

— Subramanian Swamy (@Swamy39) August 10, 2020

भाजपा खासदार सुब्रमण्यम स्वामी यांनी सीबीआयकडे कूपर रुग्णालयाच्या डॉक्टरांची चौकशी करण्याची मागणी केली आहे. सुशांतचा पोस्ट मोर्टम रिपोर्ट डॉ आरसी कूपर रुग्णालयाच्या डॉक्टरांच्या टीमने केला होता.. स्वामींनी ट्विटमध्ये म्हटले आहे की, ‘सीबीआयला डॉ आरसी कुपर मनपा रुग्णालयाच्या पाच डॉक्टरांची कसून चौकशी केली पाहिजे ज्यांनी सुशांतच्या मृतदेहाचे पोस्टमार्टम केले आहे. सुशांतसिंग राजपूत यांचा मृतदेह रुग्णालयात नेणार्‍या रुग्णवाहिका कर्मचाऱ्यांच्या म्हणण्यानुसार, सुशांतचा पाय घोट्याच्या खाली वाकला होता (जणू तो तुटला होता).

सुशांतचा अंतिम पोस्टमॉर्टम अहवाल कूपर रुग्णालयाच्या 5 डॉक्टरांच्या टीमने तयार केला होता. या अहवालानुसार, फाशी दिल्यानंतर त्यांचा गुदमरल्यामुळे मृत्यू झाला. पोस्टमॉर्टम अहवालात सुशांतच्या मृत्यूला आत्महत्येचे प्रकरण म्हटले आहे.