हॅलो बॉलिवूड ऑनलाईन। अभिनेता रितेश देशमुख आणि त्याची पत्नी अभिनेत्री जिनीलिया यांचा बहुचर्चित मराठी चित्रपट ‘वेड’ लवकरच प्रेक्षकांच्या भेटीला येतो आहे. या चित्रपटाचं सध्या एकदम जोरदार प्रमोशन सुरु आहे. अशातच आज रितेशचा वाढदिवस. त्यामुळे इतका चांगला दिवस सोडून कसं चालेल..? म्हणून आजच्या दिवशी एक खास रिटर्न गिफ्ट घेऊन बॉलिवूडचा भाईजान आला आहे. होय. रितेशच्या वाढदिवशी सलमान खानने चाहत्यांना वेड लावणारं सरप्राईज दिलं आहे.
आगामी चित्रपट वेड’मध्ये रितेश आणि जिनीलीयाच्या प्रेमातलं वेड तर पहायला मिळणार आहेच. शिवाय ते दोघे एकत्र मराठी चित्रपट दिसणार असल्याची एक वेगळीच उत्सुकता आहे. अशातच या चित्रपटाच्या आतापर्यंत रिलीज झालेल्या वेड तुझा आणि बेसुरी गाण्यांनी तर ट्रेंडिंग मध्ये जागा मिळवली असताना आणखी एक गाणं प्रेक्षकांच्या भेटीला येत आहे. ज्यामध्ये रितेशच्या वेडेपणासोबत भाईजानचा स्वॅग पहायला मिळणार आहे. आज रितेशच्या वाढदिवसाचे खास औचित्य साधून या आगामी गाण्याचा टिझर रिलीज करण्यात आला आहे.
खरंतर या गाण्याची चर्चा आधीपासूनच होती. पण भाईचा ‘भाऊ’सोबतच वेड लावणारा अंदाज काही औरच आहे. सलमान खानने त्याच्या अधिकृत सोशल मीडियावर या गाण्याचा टिझर शेअर करत कॅप्शनमध्ये लिहिले आहे कि, ‘भाऊचा बर्थडे आहे.. गिफ्ट तोह बनता है! एन्जॉय” हा टिझर सध्या कमालीचा व्हायरल होत आहे. काही सेकंदाचा टिझर जर एव्हढी क्रेझ तयार करत असेल तर गाणं रिलीज झाल्यावर काय हल्ला होईल याचा अंदाज लावणे काही मुश्किल नाही. या गाण्याचे बोल ‘वेड लावलंय…’ असे काहीसे असून यामध्ये सलमान आणि रितेश बेभान नाचताना दिसत आहेत. या गाण्याची हूक स्टेप सोशल मीडिया गाजवणार हे अगदी स्पष्ट दिसतंय.
Discussion about this post