हॅलो बॉलिवूड ऑनलाईन। महाराष्ट्र नवनिर्माण सेनेच्या वतीने मुंबईतील दादरमध्ये शिवाजी पार्क येथे दीपोत्सवाचा मोठा कार्यक्रम आयोजित करण्यात आला होता. या कार्यक्रमाला अनेक खास पाहुणे आणि कलाकार मंडळी आली होती. ज्यामध्ये मुख्यमंत्री, उपमुख्यमंत्री यांचाही समावेश होता. यामुळे मनसे- भाजप युतीच्या चर्चादेखील रंगल्या.
या कार्यक्रमाला अमेय खोपकर यांनी अनेक कलाकार मंडळींना आमंत्रित केले होते. यापैकी तेजस्विनी पंडितने या कार्यक्रमाला हजेरी लावली. दरम्यान तिची भेट राज ठाकरे यांच्यासह झाली आणि या भेटीचा अनुभव तिने सोशल मीडियावर शेअर केला आहे.
अभिनेत्री तेजस्विनी पंडितने आपल्या अधिकृत सोशल मीडिया हॅण्डल इंस्टाग्रामवर एक पोस्ट शेअर केली आहे. यामध्ये तिने राज ठाकरे यांच्या सोबतच एक फोटो शेअर केला आहे. यासोबत तिने कॅप्शनमध्ये लिहिले आहे कि, ‘राजा माणूस ! मा.राज साहेबांच्या संकल्पनेतून दिवाळीनिमित्त शिवतीर्थावर साकारला गेलेला भव्य दीपोत्सव ! ह्या कार्यक्रमानिमित्त त्यांच्याबरोबर वेळ घालवता आला आणि त्या निमित्तानेच त्यांच्यातल्या कलाप्रेमीला प्रत्यक्षात काही तासांसाठी अनुभवता आलं. धन्यवाद अमेय खोपकर.. ह्या आनंददायी अनुभवासाठी. जय महाराष्ट्र!!
तेजस्विनीच्या या पोस्टवर तमाम नेटकरी आपापल्या प्रतिक्रिया देताना दिसत आहेत. यामध्ये एका नेटकऱ्याने लिहिले आहे कि, ‘ज्यांची एक झलक पाहण्यासाठी काही लोकं वेडी आहेत, त्यांच्या बरोबर एका फ्रेम मध्ये फोटोत येणं..खरोखर भाग्य लागतं..’.
तर अन्य एकाने लिहिले आहे कि, ‘तेजु.. राजकारणापलीकडचा राज’. याशिवाय आणखी एकाने लिहिले आहे कि, ‘साहेब.. मना सारखा राजा, राजा सारखे मन’. तसेच अन्य अनेक युजर्सने यावर राजसाहेब लिहीत हार्ट आणि फायर इमोजी शेअर केले आहेत.
Discussion about this post