हॅलो बॉलीवूड ऑनलाईन । बिग बॉसमुळे प्रसिद्ध झालेल्या गायिका जसलीन मथारूच्या वडिलांना जिवे मारण्याची धमकी मिळाली आहे. जसलीनचे वडील केसर मथारू यांना फोनवर मारण्याची धमकी एका अज्ञात व्यक्तीने दिली आहे. यामुळे संपूर्ण कुटुंब अस्वस्थ झाले आहे. फोन करणार्‍याने केशर मथारूकडे पैशाची मागणी केली. आपल्याला पाहिजे असलेली रक्कम न मिळाल्यास आपल्या संपूर्ण कुटुंबाला ठार मारण्याची धमकी आरोपीने दिली आहे.
ही धमकी मिळाल्यानंतर जसलीनचे वडील केसर मथारू ओशिवरा पोलिस ठाण्यात पोहोचले आणि आरोपींविरोधात तक्रार दाखल केली. स्पॉटबॉयला दिलेल्या मुलाखतीत जसलीनच्या वडिलांनी सांगितले की, “पोलिस माझ्या इमारतीची सुरक्षा तपासण्यासाठी आले होते. तो माणूस माझ्या संपूर्ण कुटुंबाला जिवे मारण्याची धमकी देत होता. ”पोलिस ठाण्यातील एका अधिकाऱ्याने सांगितले की त्यांनी तक्रार दाखल करून या प्रकरणाचा तपास सुरू केला आहे.
जसलीन आणि तिचे गुरु अनूप जलोटा बिग बॉसच्या घरी गेले होते, दोघे कपल म्हणून तेथे पोहोचले होते पण बिग बॉस सोडल्यानंतर दोघांनीही सांगितले की आमचा फक्त गुरु आणि शिष्य म्हणूनच नेहमी संबंध होता.
