हॅलो बॉलीवूड ऑनलाइन | अभिनेता अनिल कपूर आणि प्रसिद्ध दिग्दर्शक अनुराग कश्यपमध्ये ट्विटर वॉर रंगलं आहे. ट्विटच्या माध्यमातून दोघांनी एकमेकांवर शाब्दिक हल्ले-प्रतिहल्ले केले आहेत. आंतरराष्ट्रीय ‘एमी’ पुरस्कार जाहीर झाल्याचा आनंद व्यक्त केला. याबद्दलचं ट्विट करताना त्यांनी ‘दिल धडकने दो’ या चित्रपटातील त्यांची सहकलाकार शेफाली शाह हिचं कौतुक केलं. इथूनच वादाला सुरुवात झाली
आपल्या लोकांना आंतरराष्ट्रीय पातळीवर ओळख मिळताना पाहून खूप आनंद होतो. दिल्ली क्राइमच्या टीमचं अभिनंदन’, असं ट्विट अनिल कपूर यांनी केलं. त्यावर त्यांना डिवचत अनुराग कश्यपने लिहिलं, मलाही चांगलं वाटतं जेव्हा काही चांगल्या लोकांचं आंतरराष्ट्रीय पातळीवर नाव होतं. बाय द वे, आपला ऑस्कर कुठे आहे, ओ सॉरी नामांकन, असं ट्विट करत अनुरागने अनिल कपूरवर निशाणा साधला.
यावर अनिल कपूर यांनी ऑस्कर पुरस्कार सोहळ्यातील फोटो शेअर करत प्रत्युत्तर दिलं, ‘स्लमडॉग मिलेनिअर हा चित्रपट जेव्हा तुम्ही टीव्हीवर पाहिला असणार तेव्हा तुम्ही ऑस्कर पुरस्काराच्या किंचित जवळ आला होतात’, असं लिहित ‘तुम से ना हो पाएगा’ हा हॅशटॅग त्यांनी वापरला. अनुराग इथेच थांबला नाही. त्याने पुन्हा अनिल कपूर यांना खोचक टोला लगावला. ‘स्लमडॉग मिलेनिअर’साठी तुम्ही दुसरा पर्याय होता ना, असं त्याने ट्विट केलं. अनिल कपूर यांच्याआधी शाहरुख खानला चित्रपटातील भूमिकेसाठी विचारण्यात आलं होतं. त्यावरून अनुरागने हा टोला लगावला.
