हॅलो बॉलिवूड ऑनलाईन। प्रसिद्ध गायिका पलक मुच्छाल आणि संगीत दिग्दर्शक मिथुन यांनी रविवारी एकमेकांशी साताजन्माची गाठ बांधली. मुंबईमध्ये निकटवर्तीयांच्या उपस्थितीत पलक आणि मिथुन यांचा लग्न सोहळा मोठ्या दिमाखात पार पडला. पलकचे चाहते तिच्या लग्नाच्या फोटोंची आतुरतेने वाट पाहत असताना आता प्रतीक्षा संपली आहे. कारण पलकने स्वतःच सोशल मीडियाच्या माध्यमातून
आपल्या लग्नाचे फोटो शेअर केले आहेत.
सध्या सोशल मीडियावर पलक आणि मिथुन या नवविवाहित जोडप्याच्या लग्नाचे फोटो प्रचंड व्हायरल होत आहे. रविवारी पलक- मिथूनच्या लग्नाची रिसेप्शन पार्टी जंगी पद्धतीने आयोजित करण्यात आली होती.
यावेळी त्यांना शुभेच्छा देण्यासाठी सिने विश्वातील मोठमोठे तारे हजार राहिले होते. पलक आणि मिथुनच्या वेडिंग रिसेप्शन पार्टीमध्ये बॉलीवूडचे बडे सेलिब्रिटीजदेखील उपस्थित होते. या पार्टीतील काही खास क्षण देखील सोशल मीडियावर व्हायरल होत आहेत. याआधी पलक आणि मिथुनच्या परी वेडिंग सेरेमनींचे फोटो सोशल मीडियावर व्हायरल झाले होते.
त्यांच्या हळदीचे आणि मेहंदीचे फोटो सोशल मीडियावर चर्चेत राहिले होते. मुंबईत पलकच्या घरी प्री-वेडिंग सोहळा पार पडला होता. यावेळी तिचा भाऊ पलाश याने त्याच्या इंस्टाग्रामवर हळद आणि मेहंदीचे फोटो शेअर केले होते.
यानंतर आता त्यांच्या लग्नाचे फोटोही वेगाने व्हायरल होत आहेत. लग्नासाठी पलकने लाल रंगाचा दुल्हन लेहेंगा तर मिथुनने बेज आणि मरून शेरवानी घातली होती. यामध्ये दोघेही अतिशय सुंदर दिसत होते. पण खरे सौंदर्य ते एकत्र विवाहित जोडपे म्हणून उभे राहिल्याने वाढले. गायिका पलकने बॉलीवूडमध्ये अनेक चित्रपटांसाठी गाणी गायली आहेत. मात्र आशिकी २ मधील ‘चाहू मैं या ना’ हे गाणे अतिशय लोकप्रिय ठरले.
Discussion about this post