हॅलो बॉलिवूड ऑनलाईन। बॉलिवूड सिनेसृष्टीतील लोकप्रिय अॅक्शन हिरो टायगर श्रॉफ Tiger Shroff हा फिटनेस फ्रिक आहे हे काही वेगळं सांगायला नको. नियमित जिममध्ये घाम चालून फिट आणि फाईन राहणार टायगर अॅक्शन हिरो असल्यामुळे अनेकदा जखमी होत असतो. विविध चित्रपटांच्या सेटवर अनेकदा तो जखमी झाल्याचे अनेक वृत्त आहेत. म्हणूनच फिटनेस आणि करिअरसोबत तो आपल्या आरोग्याला कोणतीही हानी होणार नाही याचीही काळजी घेत असतो. सध्या सोशल मीडियावर त्याचा एक व्हिडीओ व्हायरल होतो आहे. ज्यामध्ये तो ब्लड प्रेशर चेक करताना दिसतो आहे. हा व्हिडीओ पाहून त्याचे चाहते चिंता करू लागले आहेत.
सोशल मीडिया इंस्टाग्रामवर टायगर श्रॉफने एक व्हिडिओ शेअर केला आहे. या व्हिडिओमध्ये आपण पाहू शकता कि, टायगर त्याचे ब्लड प्रेशर अर्थात रक्तदाब तपासत असल्याचे दिसत आहे. या व्हिडिओमध्ये टायगर सोफा चेअरवर पाय पसरून बसलेला आहे. सोबतच एक माणूस त्याच्या उजव्या हाताला यंत्र जोडत त्याचे ब्लड प्रेशर तपासत आहे. ( बहुदा हि व्यक्ती डॉक्टर असावी. ) हा व्हिडिओ शेअर करत अभिनेता टायगर श्रॉफने कॅप्शनमध्ये लिहिले आहे की, ‘अॅक्शन हिरोच्या आयुष्यातील एक दिवस.’ हा व्हिडिओ पाहून त्याच्या चाहत्यांनी त्याच्या आरोग्याबाबत चिंता व्यक्त केली आहे.
या व्हिडिओवर अनेक युजर्सने विविध कमेंट करीत त्याच्या प्रकृतीविषयी काळजी व्यक्त केली आहे. यावर एकाने कमेंट करताना लिहिले आहे कि, ‘सर तुम्हाला काय झाले..?’, तर दुसऱ्याने लिहिले, ‘सर, तुम्ही लवकर बरे व्हावे अशी प्रार्थना आहे.’ तर अन्य एका नेटकऱ्याने लिहिले आहे कि, ‘देव करो आणि तुमचे आरोग्य नेहमी उत्तम असावे’. अभिनेता टायगर श्रॉफच्या वर्कफ्रंटबद्दल बोलायचे झाले तर, हिरोपंती या चित्रपटातून प्रकाशझोतात आलेल्या टायगरने आपल्या नृत्य शैलीच्या जोरावर आपले असे वेगळे स्थान इंडस्ट्रीत निर्माण केले आहे. येत्या डिसेंबरमध्ये टायगरचा ‘गणपथ’ हा चित्रपट प्रदर्शित होणार आहे. ज्यासाठी त्याचे चाहते उत्सुक आहेत.
Discussion about this post