हॅलो बॉलिवूड ऑनलाईन। नागराज मंजुळे दिग्दर्शित आणि अमिताभ बच्चन स्टारर ‘झुंड’ या चित्रपट येत्या ४ मार्च २०२२ रोजी रिलीज होत आहे. सैराट चित्रपटाच्या माध्यमातून प्रकाश झोतात आलेला अभिनेता आकाश ठोसर अर्थात सैराटमधील प्रेक्षकांचा लाडका परश्या हा या चित्रपटातून पुन्हा एकदा चांगल्या भूमिकेत प्रेक्षकांसमोर आल्याने त्यांचा उत्साह मोठा दिसून आला. इतकेच काय तर बॉलिवूड अभिनेता आमिर खाननेदेखील आकाश ठोसरच्या भूमिकेचे तोंडभर कौतुक केले आहे. शिवाय त्याला मिठीही मारली आहे. हा व्हिडीओ सध्या सोशल मीडियावर चांगलाच व्हायरल होतोय. हा चित्रपट एका सत्य कथेवर आधारित चित्रपट आहे. झोपडीत राहणाऱ्या मुलांना निवृत्त फुटबॉल क्रीडा प्रशिक्षक विजय बारसे भेटतात आणि त्यांचं आयुष्य बदलून टाकतात, अशी या सिनेमाची कथा आहे. अमिताभ बच्चन हे क्रीडा प्रशिक्षकाची मुख्य भूमिका साकारत आहेत.
View this post on Instagram
अभिनेता आकाश ठोसरने हा व्हिडीओ आपल्या अधिकृत सोशल मीडिया इन्स्टाग्राम अकाऊंटवर शेअर केला आहे. हा व्हिडीओ पाहून आकाशचे चाहतेदेखील फार आनंदी झाले आहेत. सोबतच आकाशला त्यांनी शुभेच्छा आणि प्रेमही दिले आहेत. याशिवाय कमेंट्स पहिल्या तर कळेल कि प्रेक्षकांनी आकाशचे भरभरून कौतुकदेखील केले आहेत. कारण आकाशने शेअर केलेल्या या व्हिडीओमध्ये तो बॉलिवूड परफेक्शनिस्ट आमिर खानसोबत दिसतोय. नुकतंच आमिर खानने ‘झुंड’ चित्रपटाच्या कलाकारांची भेट घेतली. दरम्यान आकाशचे भरपूर कौतुक केले आहे.
आकाश ठोसरने शेअर केलेल्या व्हिडिओमध्ये दिसत आहे कि, आमिर खान ‘झुंड’ मधील कलाकारांची भेट घेतोय. ज्यावेळी आकाश ठोसर आमिर खानला भेटायला येतो आणि तेव्हा आमिर प्रचंड आनंदाने त्याला मिठी मारत त्याच्या भूमिकेचं तोंडभरुन कौतुक करतो. इतकंच नव्हे तर आमिर आकाशला म्हणतो ही भूमिका मला दे. सोबतच आय लव्ह यु म्हणत आमिर आकाशवरील प्रेम व्यक्त करतो. हा क्षण आकाशसाठी काही अनोखा होता. आकाश ठोसरने हा व्हिडीओ शेअर करत आपल्या सर्वात भारी क्षणांपैकी एक क्षण असं म्हटलं आहे.
Discussion about this post