हॅलो बॉलिवूड ऑनलाईन । सलमान खान होस्ट असलेल्या टीव्हीवरील सर्वात वादग्रस्त बिगबॉस शोच्या 16 (Big Boss 16) व्या सीझनची प्रतीक्षा अखेर उद्या संपणार आहे. होय, ‘बिग बॉस 16’ उद्यापासून म्हणजेच 1 ऑक्टोबरपासून प्रसारित होणार आहे. Big Boss नेहमीच प्रेक्षकांसाठी सर्वाधिक लोकप्रिय शो राहिला आहे. यावेळीही लोकांच्या मनात Big Boss बद्दल प्रचंड उत्साह पाहायला मिळत आहे.
अशा परिस्थितीत चाहत्यांची उत्सुकता वाढवण्यासाठी निर्मात्यांनी शोचा एक नवीन प्रोमो सोशल मीडियावर रिलीज केला आहे. यामध्ये सलमान खान आणि अब्दु रोजिक मस्ती करताना दिसत आहेत. ‘Big Boss 16’ चा हा नवीन प्रोमो आज म्हणजेच 30 सप्टेंबरच्या संध्याकाळी चॅनलच्या अधिकृत इंस्टाग्राम हँडलवर रिलीज करण्यात आला आहे.
अब्दूने सलमान खानच्या ‘मैने प्यार किया’ या चित्रपटातील ‘दिल दीवाना’ हे लोकप्रिय गाणे गाऊन प्रेक्षकांना आपल्या आवाजाची जादू दाखवली आहे. अब्दू भाईजानसोबत स्टेजवर मस्ती करण्यासोबतच बॉक्सिंग करतानाही दिसत आहे. प्रोमो शेअर करताना चॅनलने कॅप्शनमध्ये लिहिलेय की, ‘अब्दू रोजिक त्याच्या खास शैलीत तुमचे जोरदार मनोरंजन करेल, तुम्ही Big Boss 16 च्या घरात त्यांचे स्वागत करण्यास तयार आहात ना? पहा बिग बॉस 16 उद्यापासून रात्री 9.30 वाजता फक्त कलर्सवर.
Discussion about this post