हॅलो बॉलिवूड ऑनलाईन। सध्या बॉलिवूड सिनेइंडस्ट्रीमध्ये जुनिअर्सचं आगमन सुरु आहे. अनेक अभिनेत्रींनी आपल्या प्रेग्नेंसीबाबत सोशल मीडियाच्या माध्यमातून चाहत्यांना माहिती दिली आहे. यामध्ये अभिनेत्री आलिया भट्ट आणि बिपाशा बासू यांचं नाव सगळ्यात वर आहे. तर अभिनेत्री सोनम कपूरने अलीकडेच एका गोड बाळाला जन्म दिला आहे. या अभिनेत्री आपलं बेबी बंप अगदी बिनधास्त फ्लोन्ट करताना दिसतात. मुख्य म्हणजे बेबी बंप शूट असा एक वेगळाच सोहळा सेलिब्रिटींमध्ये प्रचलित आहे. पण आतापर्यंत कुणी अंडर वॉटर बेबी बंप फ्लोन्ट केल्याचं पाहिलं नव्हतं. तर आता प्रसिद्ध बॉलिवूड अभिनेत्री समीरा रेड्डीने तेही करून दाखवलं आहे.
बॉलिवूड अभिनेत्री समीरा रेड्डीसुद्धा प्रेग्नेंट आहे आणि लवकरच ती आपल्या बाळाला जन्म देणार आहे. येणाऱ्या बाळासाठी ती फारच आनंदी आहे आणि आईपणाचा ती पुरेपूर अनुभव घेते आहे. शरीरात होणारे बदल, पोटातील बाळाची हालचाल अशी प्रत्येक बारीक गोष्ट समीरा एन्जॉय करते आहे. सध्या सोशल मीडियावर तिच्या अंडर वॉटर बेबी बंप फोटोशूटची फारच चर्चा रंगली आहे. बिकिनीमध्ये होणाऱ्या बाळाची आई समीरा थेट पाण्यात शिरली आणि बराच वेळ पाण्यात तिने हे शूट केलं आहे. आपलं आईपण एन्जॉय करा आणि शरीरात झालेले बदल मान्य करा. शिवाय हे दिवस सोहळ्याप्रमाणे साजरे करा असे सांगत तिने एक व्हिडीओ सोशल मीडियावर शेअर केली आहे.
समीरा रेड्डीने हे फोटोशूट एका व्हिडिओच्या माध्यामातून चाहत्यांसह शेअर केले आहे. अधिकृत सोशल मीडिया इंस्टाग्राम हॅण्डलवरून हा व्हिडीओ तिने शेअर केला आहे. या व्हिडिओसोबत कॅप्शनमध्ये तिने लिहिले आहे कि, ‘मला आयुष्यात सगळ्यात सुंदर वाटलेला क्षण… #motherhood #pregnancy #underwater #photography #throwback @luminousdeep तुम्ही मला सर्वात मौल्यवान आठवणी दिल्या आहेत. आईपणाला लाजू नका. आपल्या शरीराचा आनंद घ्या आणि स्वतःला साजरे करा.
Discussion about this post