Take a fresh look at your lifestyle.

रेल्वे स्थानकात कोरोनाच्या तपासणीत निष्काळजीपणा दाखवणाऱ्या अधिकाऱ्याचा अभिनेत्याने व्हिडिओ केला शेअर

हॅलो बॉलीवूड ऑनलाइन । कोरोनाव्हायरसचा वाढता धोका लक्षात घेता पंतप्रधान नरेंद्र मोदी यांनी एकीकडे ‘जनता कर्फ्यू’ लावण्याचे आवाहन केले आहे तर दुसरीकडे या व्हायरसच्या तपासणीच्या नावाखाली रेल्वे स्थानकातील अधिकाऱ्यांनी बेजबाबदार पाने काम करताहेत.यासंदर्भात एक व्हिडिओ सोशल मीडियावर खूपच व्हायरल होत आहे, ज्यामध्ये एक अधिकारी हातात मशीन घेऊन फोनवर बोलत आहे आणि प्रवाशांची नीट तपासणी न करता पुढे जाऊ देत आहे. हा व्हिडिओ बॉलिवूडचा प्रसिद्ध अभिनेता जावेद जाफेरी याने शेअर केला आहे.

 

हा व्हिडिओ जावेद जाफेरीने आपल्या ट्विटर हँडलवर शेअर केला आहे. त्याने त्याच्या कॅप्शनमध्ये लिहिले: ‘दक्षिण भारत मध्ये कुठे तरी’. त्याने हा व्हिडिओ शेअर केला आहे आणि कोरोनाव्हायरसचा तपास करणाऱ्या अधिकाऱ्यांच्या काम करण्यावर प्रश्न उपस्थित केला आहे. त्यांच्या या व्हिडिओवर वापरकर्ते तीव्र प्रतिक्रिया देत आहेत. देशात कोरोनाव्हायरसची लागण झालेल्या लोकांची संख्या वाढून ३१५ झाली आहे. महाराष्ट्रात कोरोना विषाणूचे रुग्ण सर्वाधिक आहेत. सरकार या संकटाला तोंड देण्यासाठी सर्वतोपरी प्रयत्न करीत आहे. बॉलिवूड स्टारसुद्धा या कामात सरकारला सहकार्य करत असून व्हिडिओ बनवून लोकांना जागरूक करत आहेत.

पंतप्रधान नरेंद्र मोदी यांनी रविवारी ‘जनता कर्फ्यू’ सुरू होण्यापूर्वी ट्विट केले. त्यांनी आपल्या ट्विटमध्ये लिहिले- “जनता कर्फ्यू सुरू होत आहे … मी सर्व नागरिकांना विनंती करतो की या देशव्यापी मोहिमेत सहभागी व्हावे आणि कोरोनाविरूद्धच्या लढा यशस्वी व्हावा. आमचे संयम व संकल्प या साथीला पराभूत करतील.” त्यांच्या आवाहनाचा परिणाम संपूर्ण देशातही दिसून येतो. वाराणसी, कोलकाता, हैदराबाद, बेंगलुरू, लखनऊ, चेन्नई, देहरादून, हरिद्वार, नैनीताल, हल्द्वानी आणि अलाहाबादसह अन्य प्रमुख शहरांमध्ये शांतता पसरली आहे आणि सकाळी रस्ते बंद राहिले. जनता कर्फ्यू आज सकाळी ७ वाजता सुरू झाला आणि रात्री ९ वाजेपर्यंत चालेल.

 

Comments are closed.