हॅलो बॉलिवूड ऑनलाईन। लवकरच डिस्नी प्लस हॉटस्टारवर ‘गोविंदा नाम मेरा’ हा चित्रपट प्रदर्शित होणार आहे. या चित्रपटात बॉलिवूड अभिनेता विकी कौशल, कियारा अडवाणी आणि भूमी पेडणेकर मुख्य भूमिकेत आहेत. हा चित्रपट एका कोरिओग्राफरच्या जीवनावर आधारित आहे.
ज्याच्या आयुष्यात एक सटकलेली बायको आहे ज्याच्यामुळे त्याच्या भटकलेल्या आयुष्यात गर्लफ्रेंड येते. दोघीना सांभाळताना त्याची सॉलिड गोची होते. पण थोडं इकडे थोडं तिकडे करत तो सांभाळतोय. अशातच एक खून.. मग पोलीस केस… असं कायतरी नवचं सुरु होतं. हे नक्की काय प्रकरण आहे..? हे समजून घेण्यासाठी हा चित्रपट पहावा लागेल. सध्यातरी याचा ट्रेलर चांगलाच चर्चेत आहे.
सोशल मीडियावर गोविंदा नाम मेरा चित्रपटाचा ट्रेलर प्रदर्शित करण्यात आला असून गेल्या दोन दिवसात या ट्रेलरने चांगलाच धुमाकूळ घातला आहे. नेटकरी या चित्रपटाच्या ट्रेलरला चांगला प्रतिसाद देताना दिसत आहेत.
ट्रेलरनुसार, चित्रपटातील गोविंदा वाघमारे पत्नी गौरी वाघमारेच्या जाचाला कंटाळला आहे. म्हणूनच तो बाहेर प्रेम शोधू लागते आणि सुकूच्या प्रेमात पडतो. सुकूसुद्धा त्याच्यासारखीच डान्सर असते. गोविंदाची पत्नी त्याला त्याच्या नावावरून, कामावरून सतत टोमणे देत असते. ज्याला तो वैतागलेला असतो.
घरातली सगळी काम करण्यापासून ते बायकोच्या शिव्या ऐकण्यापर्यंत सगळा जाच गोविंदा सहन करतो आणि एक दिवस…. तो हातातली बंदूक चालवतो आणि मग एका खुनाबद्दल ट्रेलरमध्ये सगळे बोलताना दिसतात. सुकू आणि गोविंदा तर जेलमध्येही जातात. मग आता गोविंदाने गौरीचा खून केला असेल का..? तर शेवटी गौरी सुकू आणि गोविंदासोबत व्हिडीओ कॉलवर बोलताना दाखवतात.
नक्की हे प्रकरण आहे तरी काय.. हा चित्रपट एकदम भानन्ट कॉमेडी असून याचे कथानक थोडेसे कनफ्यूज करणारे वाटत आहे. आता नक्की या चित्रपटात आहे तरी काय हे तो पाहिल्यावरच कळेल.
Discussion about this post