चंदेरी दुनिया । मराठेशाहीच्या इतिहासातील प्रत्येक पान अनेक शूर योद्ध्यांच्या पराक्रमाने सजलेलं आहे. हा सगळा इतिहास केवळ पुस्तकरूपात न राहता पुढच्या पिढीपर्यंत पोहचविणे गरजेचे आहे. लवकरच इतिहासातील आणखी एक सुवर्ण पान उलगडण्याची वेळ आली असून, पावनखिंड गाजवणाऱ्या बाजीप्रभूंची शौर्यगाथा रुपेरी पडद्यावर येणार आहे.
![](https://wordpress-520444-1655939.cloudwaysapps.com/wp-content/uploads/2019/12/ELaoAeQUwAIwAMM.jpg)
छत्रपती शिवाजी महाराजांच्या सेवेसाठी कायम तत्पर असणाऱ्या लढवय्या आणि पराक्रमी मावळ्यावर आधारित ‘पावनखिंड’ हा चित्रपट लवकर येणार आहे. नुकतंच या चित्रपटाचे फर्स्ट पोस्टर रिलीज करण्यात आले आहे.
![](https://wordpress-520444-1655939.cloudwaysapps.com/wp-content/uploads/2019/12/WhatsApp-Image-2019-12-12-at-7.15.12-PM.jpeg)
तसेच, बाजीप्रभू देशपांडे आणि बांदल सेनेच्या अतुलनीय पराक्रमाची गाथा सांगणारा ‘जंगजौहर’ या चित्रपटाची देखील पहिली झलक प्रदर्शित करण्यात आली आहे. ‘आलमंड्स क्रिएशन्स’चे अजय-अनिरुद्ध आरेकर यांनी ‘जंगजौहर’ चित्रपटाच्या निर्मितीची अधिकृत घोषणा केली असून, जून २०२० मध्ये हा चित्रपट प्रदर्शित होणार आहे.
![](https://wordpress-520444-1655939.cloudwaysapps.com/wp-content/uploads/2019/12/4ae9c3ae1540e8c9d82e13fd7888441e.jpg)
Discussion about this post