हॅलो बॉलिवूड ऑनलाईन | बॉलिवूड अभिनेत्री उर्मिला मातोंडकर आणि तिचा पती मोहसिन अख्तर यांनी आज सर्वांनाच एक आश्चर्याचा धक्का दिला आहे. दिनांक १३ सप्टेंबर,२०२२ रोजी सकाळी उर्मिलाच्या पतीने एका वर्षाच्या लहान बाळासोबत आपला फोटो सोशल मीडियावर शेअर केला आहे. हे कन्यारत्न पाहून सोशल मीडियावर उर्मिला आणि मोहसिन आई- बाबा झाल्याची चर्चा जोरदार सुरू झाली आहे. लोकांना वाटतय की ही मुलगी एकत्र यांचीच आहे किंवा मग यांनी ही मुलगी दत्तक घेतली होती आणि अद्याप कुणाच्या कानाला बातमी पोहचू दिली नव्हती. अनेकांनी दोघांनाही शुभेच्छा दिल्या आहेत. पण नेमकं या व्हायरल फोटोचं सत्य काय आहे..? हे जाणून घेण्याची सगळ्यांनाच उत्सुकता आहे. चला तर जाणून घेऊ.
बॉलिवूड अभिनेत्री उर्मिला मातोंडकरचा पती मोहसिन याने त्याच्या अधिकृत सोशल मीडिया इंस्टाग्राम हँडलवर एक फोटो शेअर केला आहे. या फोटोत एक गोड बाळ दिसतय. या फोटोसोबत त्याने कॅप्शन देखील लिहिले आहे. यात त्याने लिहिलं आहे की, ‘वॉव, लिटील प्रिन्सेस, तुझ्या येण्यानं आमचं आयुष्य उजळून निघालंय. आज तुझा पहिला वाढदिवस साजरा करताना आनंद होतोय आणि सांगावसं वाटतंय तू हे एक वर्ष फक्त आणि फक्त आमच्या आयुष्यात आनंद भरलायस. हॅप्पी बर्थडे प्रिय आयरा.’ यानंतर या पोस्टवर लोकांनी उर्मिला आणि मोहसिनला शुभेच्छा द्यायला सुरुवात केली. पण खरं सत्य काही वेगळंच आहे.
या फोटोच आणि कॅप्शनचं खरं सत्य स्वतः उर्मिला आणि मोहसिन यांनी सांगितल आहे . यासंदर्भात खरं काय ते जाणून घेण्यासाठी मीडियाने त्यांना संपर्क साधला असता या दोघांनी स्पष्ट केलं की, आयरा ही त्यांची पुतणी आहे. मोहसिनच्या मोठ्या भावाची मुलगी असं उर्मिलाने सांगितल. त्यानंतर मोहसिननं आपली पोस्ट एडिटसुद्धा केली आणि त्यात आयरा ही आपली पुतणी आहे असा स्पष्ट उल्लेख केला. हे स्पष्टीकरण मिळताच उर्मिलाचे चाहते थोडे नाराज झाले पण हरकत नाही. आता नेटकरी उर्मिलासाठी लेकिसारखी असणाऱ्या पुतणीवर प्रेमाचा वर्षाव करत आहेत आणि लवकरच उर्मिलाने आई होण्याचं मनावर घ्यावं असेही म्हणत आहेत.
Discussion about this post